5+5

    fëif un fëif   

    kalk risselt vonne wand  
    bossen krüömelt to miähl  
    riëte inne möüer  
    dackpannenschäöre upėn hoff  
    müöre düören  

    stinkige gräfte füönige guotlöcker  
    gewittertäören summerplüöden  
    grelle giärlerlicke stinkblaumen  
    rëip fö de seise  
    kaff stüww üöwern esk  

    kraggen vejaget  
    piäre frensket vefehrlick  
    de bracke jämmerlick gejalp  
    vejägnis schudder vefehr  
    spottgiäle hiärkstern  

    de schlage schlött upėn müören paohl  
    schinhillige stille tüsken den takt  
    en ratsch deipe schrammen  
    riëte inėn stamm  
    de sapp früß to ëis  

    fuorstriëte in minne augen  
    ëisblaumen up min speigelbeld  
    kalkwidde träönen ëiskaolt  
    friätėt sick in min gesichte  
    ick blëiw nich mähr ick 
     

      

    düt jaohr den diärden jaohrhunnertriängen  
    düt jaohr den veierten wëinter oahne schnei  
    et tellt sick fëif un fëif bineine 
     
     
     wecke bloß  

    fröchte di ackerland  
    wahr di  
    wat grëislicket  
    kümp up di tau  

    fröchtet ju ji dëiers  
    dat gräss wät  
    dröüge un soar  
    de knoppen vefreist  
    de äöhren wätėt dauv  

    grëinet ji kinner zions  
    weck kann  
    sick no fröggen  
    de hiëmmel  
    is tau  

    weck giw us iärten  
    un drinken  
    to rächten tëit  
    weck schickt us den riängen 

      

    dat freujaohr  
    se summer is wëit  
    de koarenbüörn bliw lierig  
    de wëinpresse vestüw  

    weck giw us hanig  
    un braut  
    weck giw us  
    maut  

    weck har us luowet  
    ji könnt seihen dat ick  
    midden unner ju sin  
    weck har us luowet  
    ick sinn bëi ju  
    nich maol nen augenschlag  
    sin ji aollein  

    weck har us seggt  
    frögge di ackerland  
    frögget ju ji dëiers  
    frögget ju ji kinner zions  

    wecke bloß  
     
     

      

    staorm   

    de Schöären  
    ligget  
    uppėn Wegg  
    de Dackdecker  
    löt up sick  
    wochten  
    in tüskentëit  
    flicke ick  
    Letterpinne 

 
start
faxen
fleig
wohen
5 + 5
anunfö
greun
fröümde
dëiers
schraot