dëiers
    Kaddendëiers   

    einewechen unnert Strauh  
    hät usse Kaddendëier Junge  
    kineine krigg se to seihen  

    upmaol sin se dao  
    veier Stück këiket  
    üöwer den Hillenrand  

    blëiwet vondage no buormen  
    muorn veseuket se  
    up de Diärl to kleppern  

    üöwermuorn wät de aolle Kadde  
    inėn Sack stoppet un  
    inne Kouhle douket  

    twei kleine wätėt vekofft  
    eine wät behollen  
    de krigg inėn Holsken seute Miälke  

    bliw dann upėn Hoff  
    päck Möüse upėn Koarenbüörn 
    un krigg  
    einewechen unnert Strauh  
    Junge

 
    gistern aobend   

    gistern aobend  
    schregge  
    grell  
    nen dëier  
    in ussen gaorden  
    vomuorn  
    kanëinkeshaore  
    unner de bierke  
    anėn aobend  
    schlüöre  
    de röüe  
    nen kanickelkopp  
    unner de füchte  
    ick schmeit em  
    inne tunne  

    frëidags kümp de  
    müll 

ampelnstraote 
biärgaf 
lëik out 
biärgrup 
pattlangs 
richt tau 
drunner gau 
haar hott 
drüöwer 
hennig 
flott 
fix 
 
nix 
kin naolaoten 
kin vepoußen 
kin drüömeln 
kin daomeln 
kin gemack 
 
weck 
giff 
ju 
uorder 
 
 
wëist den wegg 
kummedeiert 
rigeiert 
driff 
ju 
 
wat jägg 
wat këilt 
kriëmmelt 
kniëbelt 
fiëmmelt 
quiärlt 
spiëllt 
ju 
 
 
wat 
schiält 
ju 
 
start
faxen
fleig
wohen
5 + 5
anunfö
greun
fröümde
dëiers
schraot